وتەبێژی پێشووی پۆلیسی هەولێر هێرش دەکاتە سەر بەڕێوەبەری پێشووی پۆلیس و دەڵێت، زوڵمی لێکردووە و هەڕەشەی لێکردووە.
لە گرتە ڤیدیۆییەکدا کاروان خۆشناو وتەبێژی پێشووی پۆلیسی هەولێر کە دوای لابردنی عەمید دلێر نەجاڕ لە پۆستی بەڕێوەبەری پۆلیسی هەولێر بڵاویکردووەتەوە دەڵێت، سوپاس بۆ خوا کە کۆتاییهاتنی بەرێوەبەری پۆلیسمان بینی.
باس لەوەدەکات کە عەمید دلێر نەجاڕ لە کاتێکدا کە بەڕێوەبەری پۆلیس بووە “راپۆرتی لە دژی من و دەیان کەسی دیکە بەرزکردووەتەوە”.
دەشڵێت، “خوا لەگەڵ زاڵم و زۆرداران نییە و کۆتایی تۆش هات”.
وتەبێژی پۆلیسی هەولێر بە توندی هێرش دەکاتەسەر بەڕێوەبەرەکەی پێشووی و جەختدەکاتەوە کە زوڵم و زۆری بەرامبەر دەیان کەس کردووە.
