ئەمشه‌و یەکشەممە، یارییەکانی هەفتەی (31) خولی نایابی ئینگلیزی بەردەوامییان هەبوو، مانچستەر یونایتد لە دەرەوەی یاریگای خۆیدا بردنەوەی تۆمارکرد.
یانەی مانچستەر یونایتد لە یاریگای “سیتی گراوند” یاریی هەفتەی (31) خولی نایابی ئینگلیزی “پریمه‌رلیگ”ی بەرامبەر نۆتینگهام فۆرێست ئەنجامدا، یارییەکە بە ئەنجامی دوو گۆڵی بێبەرامبەر لە بەرژەوەندیی ئەستێرەکانی ئێریک تین هاگ کۆتاییهات.
گۆڵەکانی “ڕێد دێڤڵز” لە خولەکەکانی 32، 76 لەلایەن ئانتۆنی و دیێگۆ دالوتەوە تۆمارکران.
بەپێی ئەنجامە تۆمارکراوەکە، مانچستەر یونایتد ژمارەی خاڵەکانی گەیاندە (59) و لە پلەی سێیەمی ڕیزبەندیی یانەکانی “پریمەرلیگ” جێگیربوو، یانەی نۆتینگهام فۆرێستیش بە (27) خاڵەوە چووە پلەی (18) کە پلەیەک لەژێر هێڵی دابەزینە بۆ خولی پلە یەک.
