سەرۆكایەتیی زانكۆی راپەڕین رایدەگەیەنێت، لەپێناو سەلامەتیی گیانی خوێندكاران و مامۆستایان و فەرمانبەران دەوامی رۆژی پێنجشەممە راگیرا.
بەپێی راگەیەندراوێكی سەرۆكایەتیی زانكۆی راپەڕین كە وێنەیەكی دەست تۆڕی میدیایی ئێستا كەوتووە و تێیدا هاتووە، لەسەر راسپاردەی وەزیری خوێندنی باڵا و توێژینەوەی زانستیی هەرێم، سەرۆكایەتیی زانكۆی راپەڕین، لەپێناو سەلامەتیی گیانی خوێندكاران و مامۆستایان و فەرمانبەرانی زانكۆی راپەڕین، و لەبەر نالەباری كەشوهەواو مەترسی دروستبوونی لافاو، بڕیاریدا كە دەوامی خوێندن و كارگێڕیی رۆژی پێنجشەممە لەسەرجەم بەش و كۆلێژ و سەرۆكایەتیی زانكۆ رابگرێت.
لە راگەیەندراوەكەدا هاتووە، تاقیكردنەوەكانی میدتێرم و وەرزی دووەم، بەپێی خشتەی تاقیكردنەوەكانی بەشەكان كە پێشتر بڕیاریان لەسەر دراوە لەهەفتەی داهاتووەوە وەكو خۆی بەردەوامدەبن.
