جارێکی دیکە بە فڕۆکەی بێفڕۆکەوان هێرش کرایە سەر فڕۆکەخانەی هەریر و گروپێکی چەکداریش بەرپرسیاریەتی هێرشەکەی لەئەستۆ گرت.
گروپی چەکداریی “المقاومة الاسلامیة فی العراق” لە راگەیەنراوێکدا بڵاویکردەوە، تیمە چەکدارەکانیان لە رێگەی فڕۆکەیەکی بێفڕۆکەوانی بۆمبڕێژکراوەوە هێرشیان کردووەتە سەر هێزە ئەمریکییەکان لە بنکەی سەربازیی هەریر.
لە ماوەکانی رابردوودا جەندین جار هێرش بۆسەر ئەو فڕۆکەخانەیە ئەنجامدراوە بەو پێیەی فڕۆکەخانەک سەربازییە و تایبەتە بە هێزەکانی ئەمریکا و هێزەکانی هاوپەیمانی نێودەوڵەتی بەرەنگاربونەوەی داعش، دەکەوێتە دوری 32 کیلۆمەتر لە ناوەندی پارێزگای هەولێر.
