وەزارەتی پێشمەرگە بڵاویكردووەتەوە، هێزەكانی هاوپەیمانان ئۆپەراسێۆنێكی تایبەتیان لە سوریا ئەنجامداوە و بەرپرسێكی داعش-یان دەستگیركردووە.
بەپێی ڕاگەیەندراوێكی وەزارەتی پێشمەرگە تێیدا هاتووە، هێزەكانی هاوپەیمانان لە سوریا ئۆپەراسێۆنێكی تایبەتیان لەسوریا ئەنجامداوە و بەرپرسێكی داعش دەستگیركراوە كە پێشتر داواكرابووە كە ناوی “هانی ئەحمەد كوردی”ە، بە “والی ڕەققە” ناسراوە و پسپۆڕی دروستكردنی بۆمب و تەقەمەنییەكان بووە و یەكێك بووە لە گەورە سەركردەكانی داعش لە سوریا.
لە ڕاگەیەندراوەكەدا هاتووە، ئۆپەراسیۆنەكەی هاوپەیمانان پلانێكی هەستیاری بۆ دارێژراوە، بەو پێیەی كەمترین زیانی لەنێو خەڵكی سڤیل و تەنانەت هێزەكانی هاوپەیمانانیشدا هەبووە.
هاوكات ژەنەرال مایكڵ ئێریك كوریلا، فەرماندەی فەرماندەیی هێزەكانی ناوەندی ئەمریكی ڕایگەیاندووە، بەردەوامدەبین لە پاراستنی ئاسایشی ناوچەكە.
