بەڕێوەبەرایەتیی ئۆپەراسیۆنەکانی دەزگای ئاسایشی هەرێم رایگەیاند، باندێکی بازرگانیکردن و بەکارهێنانی ماددەی هۆشبەریان دەستگیرکردووە کە لە سێ کەس پێکهاتبوون.
لە راگەیەندراوەکەدا هاتووە، “پاش دەستکەوتنی زانیاری لەسەر باندێک لە پارێزگای سلێمانی کە تۆمەتبارن بە بەکارهێنان و بازرگانیکردن بە ماددەی هۆشبەر، هێزەکانمان لێکۆڵینەوەیان دەستپێکرد”.
ئاماژە بەوەکراوە، لە ئۆپەراسیۆنێکدا رۆژی هەینی 7/4/2023 سێ تۆمەتبار لە کاتی کڕین و فرۆشتنی ماددەی هۆشبەردا دەستگیرکراون و دەستگیراوە بەسەر 781 گرام ماددەی کریستاڵی سپیدا.
