بەندکراوێکی زیندانی گرتن و گواستنەوەی کەرکوک گیانیلەدەستدا و بەپێی زانیارییەکان ئەو بەندکراوە پێشتر لە فەرمانگەی دابەشکردنی بەرهەمە نەوتییەکان بووە.
پەیامنێری تۆڕی میدیایی ئێستا گواستییەوە، ئەو بەندکراوە ناوی (محەمەد شەهاب)ـە و پێشتر فەرمانبەری فەرمانگەی دابەشکردنی بەرهەمە نەوتیەکانی قەزای خورماتوو بووە.
بەپێی زانیارییەکان، ئەو کەسە بەتۆمەتی گەندەڵی لە زیندانی گرتن و گواستنەوەی کەرکوک راگیراوە و تۆمەتبارەکە نەخۆشیی درێژخایەنی هەبووە.
دوای ئەوەی لە زیندان دۆخی تەندروستیی تێکچووە، گواستراوەتەوە بۆ نەخۆشخانە و بەر لە گەیشتنی گیانیلەدەستداوە، ئێستا تەرمەکەی رەوانەی پزیشکی دادی کەرکوک کراوە.
