بەڕێوەبەرایەتیی ناحیەی سورداش بڵاویكردووەتەوە، بەیانی ئەمڕۆ رووداوێكی هەڵدێران لە چیای سێكانیان هەبووە و دوای ئەوەی ئەوەی هاوڵاتییەكەیان گەیاندووەتە نەخۆشخانە، بەڵام بەهۆی سەختی برینەكەیەوە گیانیلەدەستداوە.
بەپێی راگەیەندراوێكی بەڕێوەبەرایەتی ناحیەی سورداش كە وێنەیەكی دەست تۆڕی میدیایی ئێستا كەوتووە و تێیدا هاتووە، “بەیانی ئەمڕۆ ئاگاداركراینەوە كە رووداوێكی هەڵدێران لە چیای سێكانیان لە دۆڵی جافایەتی هەیە، تیمەكانی پۆلیس و بەرگریی شارستانی ئاگاداركرانەوە و دوای گەیشتنی بەشێكیان بۆ شوێنی رووداوەكە لەگەڵ هاوڵاتییانی گوندی سێكانیان، بەهۆی سەختی رێگای چیاكەوە بۆ داگرتنی هاوڵاتییەكە هەلیكۆپتەر گەیشتە شوێنی رووداوەكە و توانرا بریندارەكە بگەیەنرێتە نەخۆشخانە”.
هەر لە راگەیەندراوەكەدا هاتووە، دوای گەیاندنی بریندارەكە بە نەخۆشخانەی شار لە سلێمانی، بەهۆی سەختی برینەكەیەوە گیانیلەدەستدا.
