وەزارەتی ناوخۆی عێراق رایگەیاند، سێ تۆمەتباری بیانییان دەستگیرکردووە کە لە شارەکانی دهۆک و هەولێرەوە هەڵاتبوون.
وەزارەتەکە لە راگەیەندراوێکدا بڵاویکردەوە، هێزێک لە پۆلیسی فریاکەوتنی بەغداد – ڕەسافە توانیویانە سێ تۆمەتبار بە رەگەزنامەی بیانی دەستگیربکەن، کە بەپێی مادەی (41) لە یاسای سزادانی عێراقی داواکراوبوون.
ئاماژەی بەوەشکردووە، ئەو تۆمەتبارانە لە شاری هەولێر و دهۆکەوە بەرەو بەغداد هەڵاتبوون.
بەپێی راگەیەندراوەکە، تۆمەتبارەکان ئێستا لەلایەن پۆلیسی لێکۆڵینەوەی بەغدادەوە راگیراون.
