ژمارەیەك هەلی کار بە شێوەی گرێبەست لە دەزگای ئاسایشی هەرێمی كوردستان راگەیەندران و دامەزراندنەكان لە رێگەی پێشكەشكردنی سیڤی-یەوە دەبن.
لە راگەیەندراوێكدا دەزگای ئاسایشی هەرێمی کوردستان ئاشكرایكردووە، لە رێگەی سیڤییەوە 10 هەلی کار بە شێوەی گرێبەست رادەگەیەنن بۆ شارەزایانی بوارەکانی:-
Cyber Security
Computer Networking
Data Analysis
Incident Handling
Graphic Designer
دەزگای ئاسایش داوا لە شارەزایانی ئەم بوارانە دەكات لە رۆژانی (10 تا 13ـی 4/2023) سیڤی-یەکانیان بنێرن بۆ بەڕێوەبەرایەتییەکانی ئاسایشی سنووری نیشتەجێبوونیان كە پێكهاتوون لە بەڕێوەبەرایەتیی ئاسایشی گەرمیان، بەڕێوەبەرایەتیی ئاسایشی شارەزوور، بەڕێوەبەرایەتیی ئاسایشی رۆژئاوای سلێمانی و بەڕێوەبەرایەتیی ئاسایشی راپەڕین.
راشیگەیاندووە كە دەبێت داواکار نیشتەجێی سنووری ئەو بەڕێوەبەرایەتییانە بێت کە ئاماژەیان بۆ كراوە.
