ئەمشەو سێشەممە، ڕووبەڕووبوونەوەیەکی یەکلاکەرەوەی قۆناغی چارەکی کۆتایی جامی ئەڵمانیا “دی ئێف بی پوکاڵ” لە نێوان یانەکانی فرایبۆرگ و بایرن میونشن ئەنجامدرا.
لە چێوەی یارییەکانی قۆناغی چارەکی کۆتایی جامی ئەڵمانیا و لە یاریگای “ئالیانز ئارینا”، بایرن میونشن میوانداریی فرایبۆرگی کرد، یارییەکە بە ئەنجامی دوو گۆڵ بەرامبەر بە گۆڵێک لە بەرژەوەندیی یانەی میوان کۆتاییهات.
گۆڵەکەی “باڤاری” لە خولەکی 19 لەلایەن دایۆت ئوپامیکانۆ-وە تۆمارکرا، گۆڵەکانی فرایبۆرگ لە خولەکەکانی 27، 90 لەلایەن نیکۆلا هۆفلەر و لوکاس هویلێرەوە تۆمارکران.
بەپێی ئەنجامە تۆمارکراوەکە، فرایبۆرگ یانەی بایرن میونشنی لە جامی ئەڵمانیا کردە دەرەوە و گەیشتنی بۆ قۆناغی نیوەی کۆتایی مسۆگەرکرد.
لە یارییەکی دیکەشدا، یانەی ئینتراخت فرانکفۆرت (2-0) لە یونیۆن بەرلینی بردەوە و بلیتی نیوەی کۆتایی بڕی.
