وەزارەتی كشتوكاڵی عێراق، ئەو جوتیارانە قەرەبوودەكاتەوە كە بارانبارین زیانی بە زەوییە كشتوكاڵییەكانیان گەیاندووە.
بەپێی وتەی مەهدی سەهەر بریكاری وەزارەتی كشتوكاڵی عێراق، قەرەبووكردنەوەكە جوتیارانی هەموو ئەو پارێزگایانە دەگرێتەوە كە شەپۆلی بارانبارینی ئەمدواییە زیانی بە كێڵگە و بەرهەمەكانیان گەیاندووە.
بریكاری وەزارەتی كشتوكاڵ دەڵێت، لیژنەی تایبەت بە قەرەبووكردنەوەی جوتیاران بە سەرۆكایەتیی پارێزگارەكان لە پارێزگاكان پێكدەهێنرێت و بەڕێوەبەرایەتییەكانی كشتوكاڵ، سەرچاوەكانی ئاو و ژینگە ئەندامی لیژنەكان دەبن و راپۆرت دەدەن بە سەرۆكایەتیی ئەنجومەنی وەزیران بۆ ئەوەی زیانەكان تاوتوێبكات.
