لە سلێمانی کرێی هاتوچۆی خوێندکاران کەمدەکرێتەوە

قائیمقامیەتی سلێمانی رایگەیاند کە بۆ ئەم مانگە پێویستە پارەی هاتوچۆی خوێندکاران کەمتر دەبێت و هۆکارەکەشی بۆ پشووی بەهارە دەگەڕێتەوە و هەر شۆفێرێکیش زیاتر وەربگرێت لێپرسینەوەی لێدەکرێت.

لە راگەیەندراوی قائیمقامیەتدا هاتووە، “ئەو پاس و تەکسیانەی لە مانگی ئازاردا لە باخچەو خوێندنگە حکومی و ناحکومیەکاندا  هاتوچۆیان بە خوێندکاران کردووە، لە کۆکردنەوەی کرێی مانگانە دەبێت رەچاوی رێنماییەکانی لیژنەی هاتوچۆی تایبەت بە گواستنەوەی خوێندکاران بکەن”.

ئاماژە بەوەشکراوە، پارەی رۆژانی پشووی بەهارە جگە لە رۆژانی هەینی وەرناگیرێت و سەرۆکی لیژنە هاوبەشەکانیش بڕەکەی دیاریدەکات، جەختیشدەکاتەوە، هەر شۆفێرێک زیاتر وەربگرێت لێپرسینەوەی لەگەڵدا دەکرێت.

لەبارەی چۆنیەتی دیاریکردنی بری ئەو پارەیەی کە دەدرێت بە شۆفێری پاس و تەکسیەکان، رێکان جمال سەرۆکی لیژنە هاوبەشەکانی قائیمقامیەت ئاماژەی بەوەکرد، “کرێی مانگانەی خوێندکار دابەشی سێ دەکرێت، دوو بەشی لە خوێندکار وەردەگیرێت و یەک بەشیش دەگەرێتەوە بۆ خوێندکار”.

قائیمقامیەتی سلێمانی بەخێوکاران و خوێندکارانی خوێندنگە و باخچە حکومی و ناحکومییەکانی سنووری هەردوو بەرێوەبەرێتیی پەروەردەی رۆژهەڵات و رۆژئاوا ئاگاداردەکاتەوە، لەکاتی بەدیکردنی هەر جۆرە سەرپێچییەک ئاگاداریان بکەنەوە.

بابەتی پێشتر

دوو تۆمەتبار دەستگیرکران کە دزییان لە کۆمپانیایەک کردبوو

بابەتی دواتر

تەندروستیی سلێمانی پشكنین بۆ شەربەت و شیرینییەكانی بازاڕ دەكات

بابەتی پەیوەندیدار
زیاتر ببینە

وته‌بێژى یه‌كێتى بۆ پارتى: بەرهەم ساڵح بە ڕەزامەندیی زۆر لایەنی كوردستانی و ‏عێراقی كاندیدكراوەتەوە

وته‌بێژى یه‌كێتیی نیشتمانیی كوردستان وه‌ڵامى پارتى ده‌داته‌وه‌ و ده‌ڵێت، پێشوەخت پارتی ‏دوور لە یەكڕیزیی كوردستانی، لەگەڵ چەند لایەنێك…
Total
0
Share