بەپێی ئەو زانیارییانەی دەست تۆڕی میدیایی ئێستا كەوتوون، رۆژی پێنج كۆتایی بە دابەشكردنی مووچەی مانگی شوبات بەپێی خشتەی راگەیەندراو دەهێنرێت كە مووچەی خانەنشینان دابەشدەكرێت، بەڵام رەنگە تا ناوەڕاستی هەفتەی داهاتوو دابەشكردنی مووچەی خانەنشینان درێژەبكێشێت.
لە زانیارییەكاندا هاتووە، بۆ دابەشكردنی مووچەی مانگی ئازاری ئەمساڵ، چاوەڕواندەكرێت بەر لە جەژنی رەمەزان چەند وەزارەتێك مووچەیان پێبدرێت و ئەگەر چارەسەری پرسی راگرتنی هەناردەی نەوتی هەرێم نەكرێت بۆ مانگەكانی دواتر كێشە بۆ دابەشكردنی مووچە دروستدەبێت، هەرچەندە هەوڵەكان بەو ئاراستەیان كە كێشەكە چارەسەر بكرێت.
