لە کارەساتێکی ژینگەیی و تەندروستیدا، کەشتییەک کە 1.4 هەزار تۆن میتانۆلی هەڵگرتبوو، بەشێکی لە بەنداوێکی سەر رووباری ئۆهایۆ لە ویلایەتی کێنتاکیی ئەمریکا نوقم بوو.
دەسەڵاتداران دەروازەکانی بەنداوی ڕووباری ئۆهایۆیان داخست بۆ رێگریکردن لە دەردانی ماددە ژەهراویەکان.
فەیلەقی ئەندازیارانی سوپای ئەمریکا لە رایگەیاندووە، “دەروازەکانی ئاوی شاری لویسڤیل لە ویلایەتی کێنتاکیی ئەمریکا بەڕووی هاتوچۆدا داخراون بەهۆی باری نائاسایی کەشتیوانییەوە”.
هۆکاری رووداوەکە دیارینەکراوە و بە وتەی بەرپرسان، بە گشتی 10 کەشتی کە پێشتر لە گروپێک جیاکرابوونەوە، زیانیان بەرکەوتووە.
