لە گرتەیەكی ڤیدیۆییدا، ژمارەیەك لە خاوەن پشكەكانی چاڤی لاند، داوای ماف و شایستەكانیان لە كۆمپانیاكە دەكەن و تۆمەتباریان دەكەن بەوەی فێڵیان لێكردوون.
وەك لە ڤیدیۆكەدا دەبینرێت، یەكێك لە خاوەن پشكەكانی چاڤیلاند دەڵێت، “بۆ مافی خۆمان هاتووین، پارەمان خستووەتە پڕۆژەكەوە و مافی خۆمانمان دەوێت”.
ئەو خاوەن پشكە دەپرسێت، “داهات و خەرجیی چاڤیلاند چییە و بودجەی ئەمساڵتان چەندە و چەند پارە هاتووە و رۆیشتووە؟”.
یەكێكی تر لە خاوەن پشكەكان دەڵێت، “كەس كەس ناناسێت، كارێكتان كردووە كەس سەری لێدەرنەكات”.
