سەرچاوە ئەمنییەکانی دیالە ئاشکرایانکرد، ئەمڕۆ چوارشەممە چەکدارانی نەناسراو سەرجەم ئەندامانی خێزانێکیان لە دەوروبەری قەزای خالس کوشتووە.
بەپێی سەرچاوەکە،، چەکدارانی نەناسراو هێرشیان کردووەتە سەر ماڵێک لە گوندی (التاهیلە) لە دەوروبەری قەزای خالس، لە باکووری ڕۆژهەڵاتی بەعقوبە و خێزانێکیان کوشتووە کە پێکهاتبوون لە باوک و دایک و کوڕەکەیان، کوڕێکی تریان بریندارە.
ئاماژە بەوەشکراوە، چەکدارەکان پێش هێرشەکەیان کوخێکیان سووتاندووە بۆ سەرقاڵکردنی خەڵک و ئەنجامدانی تاوانەکە.
هێزێکی ئەمنی دوای رووداوەکە چوونەتە شوێنی تاوانەکە و لێکۆڵینەوە و گەڕانیان لەو ناوچەیە دەستپێکردووە.
