قائیمقامیەتی قەزای رانیە رایدەگەیەنێت، لە چەند رۆژی رابردوودا لیژنە هاوبەشەكانی قائیمقامیەتی قەزای ڕانیە پسووڵەی ئاگاداركردنەوەیان بۆ سەرجەم ساردەمەنی و دەستگێرەكان كرد سەبارەت بە شەربەتە دەستكردەكان كە پێكهاتەكانیان لە شەكر و رەنگ و ئاو و تامە بە تایبەت زۆرێك لە رەنگەكان، رەنگی كیمیایی دەستكردن و خۆراكی نین و قەدەغەن، لەهەمانكاتدا پێچەوانەی رێنماییە تەندروستییەكانن كە بۆ مانگی رەمەزان ئامادەكراون و زیانیان بۆ تەندروستیی هاوڵاتییان هەیە.
لە راگەیەندراوەكەی قائیمقامیەتی قەزای رانیەدا هاتووە، ئەمڕۆ، لیژنە هاوبەشەكانی قەزای رانیە بە شێوەی مەیدانی لە سەنتەری قەزای رانیە ساردەمەنی و دەستگێرەكانیان بەسەركردەوە و دەستگیرا بەسەر شەربەتە دەستكردەكان كە شیاونەبوون بۆ بەكارهێنان و سەرجەمیان تەلەف كران.
