لە رووداوێکی تەقەکردندا لەناو خوێندنگەیەكی شاری ناشڤێڵی ئەمریکا شەش کەس کوژران كە سیانیان خوێندكار بوون.
چەکدارەكە کچێکی گەنج بووە و تەقەی لە خوێندنگەی کۆڤێنانت كردووە لە ویلایەتی تێنسی، لە ئەنجامدا سێ خوێندكاری تەمەن نۆ ساڵ و بەڕێوەبەر و مامۆستا و کارمەندێکی خوێندنگەكە کوژراون، وەك پۆلیسی ناشڤیڵ رایگەیاندووە.
کۆڤێنانت خوێندنگەیەكی تایبەتیی کریستیانەکانە و نزیکەی 200 خوێندكار لەو خوێندنگەیە دەخوێنن، ئەو كەسەشی كە تەقەیكردووە پێشتر خوێندكاری هەمان خوێندنگە بووە و بەپێی لێدوانی پۆلیسی ناشڤێڵ، “دوای رووبەڕووبوونەوەی لەگەڵ هێزەکانی پۆلیس، تەقەکەرەکە کوژراوە”.
