دوای ئەو بەرزبوونەوەی لە چەند رۆژی رابردوودا بەخۆیەوە، ئەمڕۆ جارێکی دیکە نرخی نەوت لە بازاڕەکانی جیهاندا نزمبوونەوەی بەخۆیەوە بینی.
ئەمڕۆ سێشەممە نرخی یەک بەرمیل نەوتی خاوی تەکساس 12 سەنت دابەزی و بە 72.69 دۆلار مامەڵەی پێوەکرا.
هاوکات نەوتی خاوی برێنتیش 38 سەنتی لێبووەوە و یەک بەرمیلی بە 77.73 دۆلار مامەڵەی پێوەکرا.
بەهۆی ئەوەی پێشبینی دەکرێت ئاستی خواستی چین لەسەر نەوتی خاو بە رێژەی %6.2 بەرزببێتەوە، پێشبینی دەکرێت نرخی نەوت بەرزبوونەوە بەخۆیەوە ببینێتەوە.
