بەهۆی پێکدادانی ئۆتۆمبێلێک و ماتۆڕسکیلێکەوە دوو کەس لە كەلار برینداربوون.
راگەیاندنی هاتوچۆی گەرمیان دەڵێت، رووداوەكە لە گەڕەکی شەهیدانی قەزای کەلار روویداوە و بەهۆی پێکدادانی ئۆتۆمبێلێک و ماتۆڕسکیلێکەوە دوو کەس برینداربوون و گەیەندراون بە نەخۆشخانە.
بەپێی راگەیەندراوی هاتوچۆی گەرمیان، بریندارەکان لێخوڕ و سەرنشینی ماتۆڕسكیلەکە بوون، لێخوڕەکە لەدایکبووی ساڵی 2007ـە، سەرنشینەکە لەدایکبووی ساڵی 2006ـە و هەردووکیان گەیەندراون بە نەخۆشخانە و لێکۆڵینەوە لە رووداوەکە دەستیپێکردووە.
