کەشناسیی هەرێمی کوردستان کەشوهەوای ئەمڕۆ و سبەینێی ناوچەکانی هەرێمی کوردستانی بڵاوکردەوە، بەپێی پێشبینییەکان ئەمڕۆ نمەباران دەبێت و سبەینێ ئەگەری لێزمەباران دەبارێت.
بەڕێوەبەرایەتیی گشتیی کەشناسیی هەرێمی کوردستان بڵاویکردەوە، ئەمڕۆ شەممە ئاسمان لە نێوان نیمچەهەور بۆ هەوری تەواو دەبێت لەگەڵ ئەگەری بارینی نمەباران لە ناوچە شاخاوییەکان.
پلەکانی گەرماش ئەمڕۆ 1 بۆ 3 پلە بەرزدەبنەوە.
هەروەها سبەینێ یەکشەممە، ئاسمان هەوری باراناوی دەبێت لە زۆربەی کاتەکاندا، هەندێکجار بارانبارین بە لێزمە دەبێت بە تایبەتی لە ناوچەکانی باکووری رۆژهەڵاتی هەرێم.
پلەکانی گەرماش 3 بۆ 5 پلەی سەدی بەراورد بە ئەمڕۆ نزمدەبنەوە.
