بەپێی دواین ئاماری زیان و لێکەوتەکانی لافاوەکەی دهۆک سێ کەس گیانیان لەدستداوە و زیاتر لە 160 خانووش زیانیان پێگەشتووە.
ناوەندی هاوبەشی هەماهەنگی قەیرانەکانی سەر بە وەزارەتی ناوخۆی هەرێمی کوردستان دواین ئاماری لە بارەی زیان و لێکەوتەکانی لافاوەکەی دهۆک بڵاوکردووەتەوە کە تێیدا هاتووە، “سێ کەس گیانیان لەدەستداوە و 11 کەسی دیکەش برینداربوون، هەروەها 120 کەسیش رزگارکراون”.
ئەوەشی خستووەتەڕوو، 627 کەس نیشتەجێی هۆتێل و مۆتێلەکان کراون کە بەهۆی لافاوەکەوە ماڵەکانیان جێهێشتووە و 160 خانووش زیانیان پێگەشتووە.
سەبارەت بە ژامرەی ئەو ئۆتۆمبێلانەی بەهۆی ئەو رووداوەوە زیانیان پێگەشتووە ناوەندی هاوبەشی هەماهەنگی قەیرانەکان دەڵێت، “50 ئۆتۆمبێل زیانیان پێگەشتووە”.
