وتەبێژی بەڕێوەبەرایەتیی پۆلیسی هەولێر دەستگیركردنی باندێكی بە تۆمەتی رفاندنی كەسێك راگەیاند كە لەبەرامبەر ئازادكردنیدا داوای 250 هەزار دۆلاریان كردبوو.
لە كۆنگرەیەكی رۆژنامەیدا هۆگر عەزیز وتەبێژی بەڕێوەبەرایەتیی پۆلیسی هەولێر رایگەیاند، دوای ئەوەی سێ كەس لە شاری هەولێر كەسێكیان رفاندبوو داوایان لە كەسوكارەكەی كردبوو كە 250 هەزار دۆلاریان پێبدەن لەبەرامبەر ئازادكردنیدا.
راشیگەیاند، دوای ئاگاداركردنەوەی كەسوكارەكەی هێزەكانمان بەدواداچوونیان كرد و توانرا لە شەقڵاوە لە ماڵێكدا دوو لە تۆمەتباران دەستگیربكرێن و رفێندراوەكەش ئازادبكرێت و رێكاری یاساییان بەرامبەر دەگیرێتەبەر.
ئاشكراشیكرد، ئەو سێ تۆمەتبارە دووانیان كورد بوون و ئەوەی دیكەیان لە نەتەوەی عەرەب بووە.
