وەزارەتی گواستنەوە و گەیاندن، ئاماری بارانبارینی لە ماوەی 24 كاتژمێردا بڵاوكردەوە.
ئەمڕۆ چوارشەممە وەزارەتی گواستنەوە و گەیاندن ئاماری بارانبارینی لە ماوەی 24 كاتژمێردا بڵاوكردەوە و دەڵێت، لە كاتژمێر نۆی بەیانیی دوێنێ سێشەممەوە تا كاتژمێر نۆی بەیانیی ئەمڕۆ چوارشەممە، زۆرترین باران لە بەرزنجە باریوە كە 14.1 ملم بووە.
هەر بەپێی ئامارەكە، نزمترین رێژەی بارانبارین لە ماوەی 24 كاتژمێردا لە هەولێر بووە كە 0.5 ملم بووە.
یاخسەمەر لە سنووری پارێزگای سلێمانی بە 12.7 ملم و حاجی ئۆمەران لە سنووری پارێزگای هەولێر بە 12.4 ملم باران، لەو ناوچانەی هەرێمی كوردستانن كە زۆرترین بارانیان لێباریوە، وەك ئامارەكەی وەزارەتی گواستنەوە و گەیاندن ئاشكرایكردووە.
