قائیمقامی قەرەداغ رایگەیاند، رووبەڕووبوونەوەی هێزەکانی ئاسایش لەگەڵ ئەو چەکدارانەی لە قۆپی قەرەداغ بوون کۆتاییهاتووە و هێزەکان دەستیان بە کێوماڵی ناوچەکە کردووە.
رەئوف کەمال قائیمقامی قەرەداغ رایگەیاند، لەدوای ئەو رووبەڕووبوونەوەیەی پاشنیوەڕۆی ئەمڕۆ لە قۆپییەکانی قەرەداغ روویدا چەکدارەکان هەڵاتوون و تا ئێستا نازاندرێت ژمارەیان چەند کەس بووە.
ئاماژەی بەوەشکرد، لە ئێستادا رووبەڕووبوونەوە کۆتاییهاتووە، هێزەکان سەرقاڵی کێوماڵی ناوچەکە و دۆزینەوەی چەکدارەکانن.
وتیشی، ئەو شوێنەی رووداوەکە تێیدا روویداوە سەختە، هەر بۆیە تا ئێستا نەتوانراوە تەرمی کارمەندەکانی ئاسایش بهێنرێنەوە، چاوەڕێین دوای ماوەیەکی کەم لە شاخەکە بیانهێنینە خوارەوە.
