بە بڕیاری ئەنجومەنی وەزیران دەوام لە كەركوك و پارێزگاكانی دیكەی عێراق بۆ ماوەی یەك كاتژمێر كەمكرایەوە.
ئەمیندارێتیی گشتی ئەنجومەنی وەزیرانی عێراق رایگەیاند، دەوامی فەرمی لە مانگی رەمەزاندا بۆ ماوەی كاتژمێرێك كەمدەكرێتەوە.
بڕیارەكە كەركوك و پارێزگاكانی دیكەی عێراق جگە لە شارەكانی هەرێم دەگرێتەوە.
لەسەر ئاستی هەرێمیش پێشتر وەزارەتی پەروەردە بڕیاریدا کاتی وانەکان بۆ ماوەی پێنج خولەک کەمبکرێنەوە، هەروەها وەزارەتی خوێندنی بڕیاریدا کاتەکانی دەوام بۆ ماوەی یەک کاتژمێر کەمبکرێنەوە.
