تا ئێستا تەرمی سامان عەبدوڵڵا، ئەو گەنجەی لە دەریاچەی دەربەندیخان-ـدا خنكا نەدۆزراوەتەوە.
زمناكۆ یەحیایی پەیامنێری تۆڕی میدیایی ئێستا گواستییەوە، تیمەكانی بەرگریی شارستانی و ژێرئاوگەڕ و هێزە ئەمنییەكان لە شوێنی رووداوەكەن و بەدوای تەرمی گەنجە خنكاوەكەدا دەگەڕێن.
شەوی رابردوو سێ گەنجی دانیشتووی قەزای دەربەندیخان، لە نزیك گوندی عازەبان کەوتنە دەریاچەی دەربەندیخانەوە و کەیوان ئەحمەد بەڕێوەبەری بەرگریی شارستانیی دەربەندیخان بە تۆڕی میدیایی ئێستای راگەیاند، دووان لەو گەنجانە دەربازبوون، بەڵام سێیەمیان كە تەمەنی 35 ساڵ بووە خنكاوە.
