سەرۆك وەزیرانی عێراق گەیشتە توركیا و لەگەڵ سەرۆك كۆماری ئەو وڵاتە كۆدەبێـتەوە و تەوەری سەرەكی كۆبوونەوەكەی بابەتی بەردانەوەی ئاو و پتەوكردنی پەیوەندییەكانی نێوان هەردوو وڵاتە.
كەمێك پێش ئێستا محەمەد شیاع سودانی سەرۆك وەزیرانی عێراق بەسەردانێك گەیشتە توركیا و لەگەڵ رەجەب تەیب ئەردۆغان سەرۆك كۆماری ئەو وڵاتە كۆدەبێتەوە.
بڕیارە لە سەردانەكەیدا بابەتی بەردانەوەی ئاو، ئاسایشی ناوچە سنوورییەكان و پەرەپێدانی پەیوەندییەكانی وڵاتەكەی لەگەڵ بەرپرسانی باڵای توركیا تاوتوێبكات.
