لە هەردوو شاری مانچستەر و بێرمینگھامی بەریتانیا، دوو گردبوونەوە و خۆپیشاندانی بەرفراوان بۆ ئازادکردنی زیندانییانی بادینان ئەنجامدران.
خۆپیشاندان و گردبوونەوەكان لەلایەن رێکخراوی داکۆک بۆ ماف و ئازادی، بە ھاوبەشی لەگەڵ رەوەندی کوردی لە بەریتانیا رێكخرابوون و بەشداربووان داوای دەستبەجێ ئازادکردنی شیروان شێروانی، گوهدار زێباری و سەرجەم زیندانییانی ئازادیخوازی نێو زیندانیان دەكرد.
خۆپیشاندەران جەختیانكردەوە كە “بە ئازادکردنی چەند زیندانییەکی قارەمانی بادینان، کۆتایی بە کەیسی زیندانییانی بادینان نەهاتووە و تا ئازادکردنی سەرجەم زیندانییانی دیکە شەقام بێدەنگ نابێت”.
لە راگەیەندراوێكدا كە وێنەیەكی دەست تۆڕی میدیایی ئێستا كەوتووە، خۆپیشاندەرانی كوردی بەریتانیا دەڵێن، “تا رۆژنامەنووس و چالاکوان و خەڵکی ئازادیخواز لە زیندانەکاندا بمێنن، چالاکییەکانمان و پشگیریکردنەکانمان بەردەوامدەبن و درێژە بە خەباتی مەدەنییانەمان دەدەین”.
