ستران عەبدوڵا لێپرسراوی مەكتەبی راگەیاندنی یەكێتیی نیشتمانیی كوردستان لە وەڵامێكی كورت و پوختدا دەڵێت، بەیاننامە لەسەر هاوبەشەكانیان لە حكومەت دەردەكەن، بە بێ ئاگاداری رەفیقەكانیان لە دامەزراوەی ئەنجومەنی ئاسایش، گاڵی دەرودراوسێ دەدەن كە یەكێتی ئەوەندە فرۆكەی لێ زیادە گوایە بەشی رۆژئاواشی لێدەدات.
دەشڵێت، بێ لیژنە و كوتوپڕ تۆمەت دەبەخشنەوە گوایە ساغبووەتەوە یەكێتی هاوكاریی بەشەكانی كوردستان دەكات و ئاخر لەسەر دووشتی وا بوو كە سەرۆك مام جەلال بە عەرەبییەكی بەلیغ دەیوت:” شرف لا ندعیه وتهمە لا ننفیه كە بە كوردییەكی رەوان دەكاتە؛ شەرەفێكە ئیدعای ناكەین و تۆمەتێكیشە رەتیناكەینەوە”.
