بانکى رافیدەین قەرزێك كە بڕەكەی دەگات بە 25 ملیۆن دینار دەدات بە فەرمانبەران، کارمەندانى هەردوو وەزارەتی ناوخۆ و بەرگری و خانەنشینان، شێوازی وەرگرتنی قەرزەكەش ئاشكرادەكات.
بەپێی راگەیەندراوێكی ئەمڕۆی بانکى رافیدەین، قەرزەكە لە پێنج ملیۆن دینارەوە دەستپێدەکات و دەگات بە 25 ملیۆن دینار، لە ماوەى پێنج ساڵدا (60 مانگ) دەدرێتەوە.
راگەیەندراوەكەی بانکى رافیدەین دەڵێت، “پێشکەشکردنى داواکاری بۆ وەرگرتنى قەرزەكان، لە رێگەی ئەپلیکەیشنى تایبەتیى بانکى رافیدەینەوە دەبێت” و خوازیارانی وەرگرتنی قەرز، دەتوانن بە شێوەی ئەلیكترۆنی مامەڵە بۆ وەرگرتنی قەرزەكان پێشكەشبكەن.
