وەزارەتی كشتوكاڵی عێراق، راپۆرتی خۆی لەبارەی وەرزی بارانبارین و بەرهەمی گەنم و جۆی جوتیارانەوە بڵاوكردەوە.
ئەمڕۆ هەینی وەزارەتی كشتوكاڵی عێراق رایگەیاند، بارانبارینی ئەمدواییە گرنگ و كاریگەر بوو بۆ ئاودانی كێڵگەكانی گەنم و جۆ و بەرهەمی ئەمساڵی جوتیاران دەگاتە رادەی خۆژێنی.
مەهدی سەهر بریكاری وەزارەتی كشتوكاڵ دەڵێت، “بارانبارین لە هەموو پارێزگاكاندا بەرهەمی گەنم و جۆی بووژاندووەتەوە و وەك پێویست بووەتەهۆی ئاودانی زەوییە داچێنراوەكان”.
راشیگەیاند، بەو پێیەی وەرزی دابارین باشبووە، چاوەڕواندەكرێت بەرهەمی گەنم و جۆی ئەمساڵ بە گەیشتنیان بە سایلۆكانی وەزارەتی بازرگانی، بەشی پڕكردنەوەی پێداویستیی ناوخۆ بكەن و بگەن بە ئاست و رادەی خۆژێنی.
