یەكێك لە سەركردەكانی سوننەكانی خۆرئاوای عێراق لە هەوڵێكی تیرۆركردن رزگاریبوو.
سەتام ئەبو ریشە سەركردەی هێزی سەحوەی عێراق، كەمێك لەمەوبەر لە كۆبوونەوەیەكی جەماوەریدا لە ئەنبار، لە هەوڵی تیرۆركردنی رزگاریبوو.
سەتام كوڕی شێخ عەبدولستار ئەبو ریشە سەركردەی پێشووی سەحوەی عێراقە كە هێزێكی چەكداری سوننەكانە و لە ساڵی 2006ـەوە رووبەڕووی گرووپە تیرۆریستییەكان بووەتەوە.
دوای كوژرانی باوكی و بوونی ئەحمەد ئەبو ریشەی مامی بە سەركردەی سەحوە، ناكۆكی كەوتە نێوان سوننەكانەوە و لە مانگی شوباتی رابردوودا سەتام وەك سەركردەی سەحوە هەڵبژێردرا، ئەو پرسەش ناكۆكیی نێوان سەركردە سوننەكانی ئاڵۆزتركردووە.
