سەرۆك كۆماری پێشووی عێراق ئامادەیی بۆ رۆڵگێران لە چارەسەركردنی كێشەكانی هەرێم و بەغداد نیشاندەدات و دەشڵێت، كێشەكان هەمەلایەنەن.
بەرهەم ساڵح، سەرۆك كۆماری پێشووی عێراق ئەمڕۆ لە وەڵامی پرسیاری پەیامنێری تۆڕی میدیایی ئێستادا دەربارەی تێڕوانینی سەبارەت بە كێشەكانی هەرێم و بەغداد و، چۆن پەیوەندییەكانی بەكاردەهێنێت بۆ ئاساییكردنەوەی رایگەیاند، “هەمیشە هەر كارێكی باش هەبێت بۆ خزمەتی وڵاتەكەی خۆم، بە واجبی دەزانم”.
وتیشی، “كێشەكانی هەرێم و بەغداد هەمەلایەنەن، هیوادارم بە ئیرادەی باش بە ئاراستەی باش بتوانین ئەو كارە بكەین، بە مەرجێك خزمەتی كۆمەڵانی خەڵكی تیابێت”.
ئەو لێدوانی سەرۆك كۆماری پێشوو لە پەراوێزی دیداری سلێمانی-دا بوو كە ئەمڕۆ یەكەم رۆژی لە زانكۆی ئەمریكی لە سلێمانی بەڕێوەچوو.
بەرهەم ساڵح گەشبینی خۆیشی بە چارەسەری كێشەكانی نێوان هەرێم و ناوەند دەربڕی.
