ئەمشەو لە ئەنجامی رووداوێکی سەختی هاتوچۆ لەسەر رێگای عەربەت سلێمانی کەسێک گیانیلەدەستدا.
پەیامنێری تۆڕی میدیایی ئێستا گواستیەوە، “ئەمشەو لەسەر رێگای عەربەت – سلێمانی رووداوێکی سەختی هاتوچۆ لە نێوان بارهەڵگرێک و ئۆتۆمبێلێک لە جۆری تۆیۆتا هایلۆکس روویداوە و لە ئەنجامدا شۆفێری ئۆتۆمبێلە تۆیۆتاکە گیانیلەدەستداوە”.
ئاماژەی بەوەش کرد، “رووداوەکە لە کاتێکدا روویداوە بارهەڵگرەکە ویستوویەتی بپەڕێتەوە بۆ ئەوبەری شەقامەکە، ئۆتۆمبێلەکەی دیکە بە خێراییەکی زۆر خۆی کردووە بە ژێریدا و شۆفێرەکەی دەستبەجێ گیانیلەدەستداوە”.
بەپێی زانیارییەکان شۆفێری ئۆتۆمبێلەکە ناوی محەمەدە و دانیشتووی سنووری قەزای شارەزوورە.
