رووداوی شەمەندەفەرەكەی قەلیوب لە میسر كە لە رێڕەوی خۆی لایدا و بەو هۆیەوە چەندین كەس مردن و برینداربوون، “چیرۆكێكی كاریگەر”ی لەخۆگرتووە، كە پەیوەستە بە یەكێك لە قوربانییەكانەوە.
قوربانییەكە كوڕێكی گەنجە كە پێشتر دووچاری سستبوونی گورچیلەكان بووە و دایكی گورچیلەیەكی خۆی پێبەخشیوە بۆ ئەوەی بژی، بەڵام جیاواز لە چاوەڕوانی و ئومێدەكانی دایكی، كاتێك كوڕەكە لە كار دەگەڕایەوە، بە رووداوی شەمەندەفەر گیانیلەدەستدا.
بڵاوبوونەوەی چیرۆكەكە لە زاری دایكی قوربانییەكەوە لە میدیادا، دەنگدانەوەی زۆری بەدوای خۆیدا هێناوە و بەكارھێنەرانی تۆڕە كۆمەڵایەتییەكان هاوسۆزی بۆ دایكەكە دەردەبڕن.
