لە هەولێر ئاگر لە بینایەك كەوتەوە و تائێستا لەلایەن تیمەكانی بەرگریی شارستانییەوە نەتوانراوە كۆنتڕۆڵ بكرێت.
پێش نیوەڕۆی ئەمڕۆ ئاگر لە بینایەك لە ناوەندی شاری هەولێر كەوتەوە كە پێشتر نووسینگەی كەناڵێكی راگەیاندن بووە و دەكەوێتە نزیك هۆتێل شیراتۆن.
پەیامنێرمان لە هەولێر پێیڕاگەیاندین، سەرجەم تیمەكانی بەرگریی شارستانی گەیشتوونەتە شوێنی رووداوەكە، بەڵام هێشتا كۆنتڕۆڵنەكراوە.
ئاگرەكە گەورەیە و كۆنتڕۆڵكردنی ئاستەم بووە، وەك ئەوەی پەیامنێرمان وتی.
ئەوەشی وت، بەنزینخانەیەك دەكەوێتە نزیك شوێنی رووداوەكە و تیمەكان زۆرترین هەوڵیان خستووەتەگەڕ بۆ رێگری لە تەشەنەسەندی ئاگرەكە.
