وەزیری خوێندنی باڵا و توێژینەوەی زانستیی هەرێم ڕایدەگەیەنێت، لە دڵەوە سوپاسی سەرۆك بافڵ جەلال تاڵەبانی دەكەم و هیوادارم حزبەكانی دیكەش چاوی لێبكەن و ڕاشیدەگەیەنێت پڕۆژەیاسایەكمان ئامادەكردووە كە لە بەرژەوەندیی خوێندكاراندایە.
ئەمڕۆ شەممە، وەزیری خوێندنی باڵا و توێژینەوەی زانستیی هەرێم زیاتر لە سێ كاتژمێر لەگەڵ نوێنەری خوێندكاراندا كۆبووەوە و ڕایگەیاند، “ئەركی ئێمە خزمەتكردنی خوێندكارانە لە دڵەوە سوپاسی بافڵ جەلال تاڵەبانی سەرۆكی یەكێتیی نیشتمانیی كوردستان دەكەم كە بۆ پڕۆسەی خوێندن هەیەتی و هیوادارم حزبەكانی دیكەش چاوی لێبكەن”.
وەزیری خوێندنی باڵاش ڕاشیگەیاند، پڕۆژەیاسایەكمان ئامادەكردووە بۆ خوێندكارانی دەرەوەی شار مانگانە 150 هەزار دینار و ناوشار 100 هەزار دینار خەرجبكرێت و لەهەمانكاتدا نووسراومان بۆ ئەنجومەنی وەزیران كردووە كە ئەو گرفتانەی خوێندكاران هەیانە و لەگەڵ بابەتی دەرماڵەكان چارەسەر بكرێن.
وەزیری خوێندنی باڵا ئاشكرایكرد، سبەینێ سیستمی زانكۆلاین كارادەكرێت و داوادەكەم خوێندكاران لە ناوەندە زانستییەكان فۆڕمەكەیان پڕبكەنەوە تا دواجار زەرەرمەندنەبن.
