کەریم بنزیمەی فەرەنسی و هێرشبەری یانەی ڕیاڵ مەدرید، جارێکی دیکە تووشی پێکان بووە و بەو هۆیەوە لە یاریکردن دادەبڕێت.
بەپێی ئەو زانیارییانەی لە میدیاکانی مەدریدەوە بڵاودەکرێنەوە، کەریم بنزیمە دووچاری پێکان بووە لە قوولەپێی-دا، بەوهۆیەوە دوو ڕاهێنانی لەدەستداوە و بەرامبەر یانەی ئیسپانیۆل ناتوانێت بەشداری بکات.
حەوتەم جارە لەم وەرزەدا “بێنز” تووشی پێکان دەبێت، ئەوەش گومانی لەسەر توانا جەستەییەکانی دروستکردووە، شارەزایان و میدیاکانی مەدرید پێیانوایە، لە ئێستادا یانەی شاهانە پێویستی بە هێرشبەرێکی گەورەی جێگرەوەیە.
بنزیمە لەم وەرزەدا (27) یاریکردووە، لە کاتێکدا وەرزی ڕابردوو لەم کاتانەی وەرزدا زیاتر لە (35) یاریکردووە، ئەوەش گومانەکانی لە توانا جەستەییەکانی قووڵتر کردووەتەوە.
سەرەڕای هەموو ئەوانەش، لە تەمەنی (35) ساڵیدا توانیویەتی (18) گۆڵ و پێنج ئەسیست تۆماربکات.
