لەبارەی دابەشكردنی مووچەی كارمەندانی وەزارەتی تەندروستی لە سلێمانی، سامان لەتیف وتەبێژی بەڕێوەبەرایەتیی گشتیی تەندروستیی سلێمانی بە ئێستای راگەیاند، “لە سلێمانی دەست بە دابەشكردنی مووچەی كارمەندانی تەندروستی كرا”.
وتیشی، “ستاف و كارمەندانی بەشێك لە نەخۆشخانە و فەرمانگە تەندروستییەكانی سنووری سلێمانی مووچەكانیان وەرگرتوون و نوێنەرانی بەشێكی دیكەیان لە بانكن بۆ وەرگرتنی پارەی مووچە”.
لێدوانەكەی سامان لەتیف بۆ ئێستا دوای ئەوە دێت، ئەمڕۆ دەنگۆی ئەوە بڵاوكرایەوە كە دابەشكردنی مووچە لە سلێمانی دوادەكەوێت و دەستپێكردنی پرۆسەكە دەكەوێتە رۆژێكی دیكەوە.
