ئەوەی بە دزیكردنەكە تۆمەتباركراوە، بەرپرسی بەشی ژمێریاریی بەڕێوەبەرایەتیی تاقیگەی بیناسازی بووە لە پارێزگای دهۆك، دوو ملیار و 800 ملیۆن دیناری بەڕێوەبەرایەتییەكەی دزیوە.
كاربەدەستەكە لەدایكبووی ساڵی 1957ـە و بەرپرسی بەشی ژمێریاری بووە، دوای خانەنشینبوونی بە خۆبەخش کاریکردووە و لە ماوەی هەشت ساڵدا ئەو پارانەی بردووە.
دزینی پارەكان بە جۆرێك بووە، كاتێك بەڵێندەران بە مەبەستی پشكنینی كەرەستەكانی بیناسازیی پڕۆژەكانیان سەردانی بەڕێوەبەرایەتیی تاقیگەی بیناسازییان كردووە و لە بەرامبەر پشكنینەكاندا پارەیان داوە، تۆمەتبارەكە نووسراوەكانی ساختەكردووە و زۆرینەی پارەكانی بۆ خۆی بردووە و كەمینەی گەڕاندووەتەوە بۆ گەنجینەی میری.
بەپێی زانیارییەكان، لێكۆڵینەوە لە كەیسەكە دەستیپێكردووە و لێكۆڵینەوە و لێپرسینەوە لەگەڵ چەندین كەسدا دەكرێن.
