ئەنجومەنی نوێنەرانی عێراق كۆبووەوە و خوێندنەوەی دووەمی بۆ هەمواری هەڵبژاردنی ئەنجومەنی پارێزگاكان كرد و كۆبوونەوەكەی بۆ رۆژی دووشەممە دواخست.
مەلا كەریم شكور پەرلەمانتاری فراكسیۆنی یەكێتیی نیشتمانیی كوردستان لە ئەنجومەنی نوێنەرانی عێراقدا لە لێدوانێكدا بە تۆڕی میدیایی ئێستای راگەیاند، لە كۆبوونەوەكەی ئەمڕۆدا كە بە ئامادەبوونی 194 ئەندام بەڕێوەچوو كە تێیدا خوێندنەوەی دووەم بۆ هەمواری سێیەمی یاسای هەڵبژاردنی ئەنجومەنی پارێزگا و قەزا و ناحییەكان كرا و پەرلەمانتاران ڕاو سەرنج و تێبینی خۆیان خستەڕوو.
ئاشكراشیكرد، هەمواری سێیەمی یاسای هەڵبژاردنی ئەنجومەنی پارێزگاكان، لەلایەن هەردوو لیژنەی یاسایی و هەرێمەكانەوە پێشكەشكران.
