لە نەخۆشخانە حكومی و ئەهلییەكانی سلێمانی 139 منداڵ لەدایكبوون، پێدەچێت لەدایكبوونی بەشێكیان بەهۆی جوانیی رێككەوتی لەدایكبوونەكەوە بێت.
سامان شێخ لەتیف، وتەبێژی بەڕێوەبەرایەتی تەندروستیی سلێمانی بە تۆڕی میدیایی ئێستای راگەیاند، لە نەخۆشخانە حكومی و ئەهلییەكانی سلێمانی ئەمڕۆ 139 منداڵ لەدایكبوون.
لەو ژمارەیە 73 منداڵیان كوڕ و 66یان كچ بوون.
لەدایكبوونی ئەو ژمارە بەرچاوە پێدەچێت بەشێكی بەهۆی خواستی باوانەوە بێت بەهۆی جوانی رێككەوتەكەوە كە ئەمڕۆ 3ی مانگی 3ی ساڵی 2023یە.
