نرخی گۆشتی سوور گرانبوو

بەڕێوەبەری چاودێری و بازرگانیی سلێمانی ڕایدەگەیەنێت، نرخی گۆشتی سوور گرانبووە و یەك كیلۆ لە 16 هەزار دینارەوە بووەتە 17 هەزار دینار و دەڵێت، “ئەگەر وا بڕوات نرخەكەی گرانتردەبێت”.

سۆران عەبدولغەفور، بەڕێوەبەری چاودێری و بازرگانیی سلێمانی لە لێدوانێكدا بە تۆڕی میدیایی ئێستای ڕاگەیاند، ماوەی چەند ڕۆژێكە نرخی گۆشتی سوور گرانبووە پەیوەندیی بە زیادبوونی كێشانەوە هەیە كە بە “زینە قەپان” ناوی دەبرێت و لە مەیدانی ئاژەڵاندا ئاژەڵی پێدەكێشرێت، پێشتر ئاژەڵێك بكێشرایە یەك كیلۆی بە 5 هەزار و 250 دیناربووە و ئێستا كێشانەی یەك كلیۆی گەیشتووەتە 6750 بۆ 7000 هەزار دینار بەو هۆیەوە نرخەكەی لە 16 هەزار دینارەوە گرانبووە و بووەتە 17 هەزار دینار.

بەڕێوەبەری چاودێری و بازرگانیی سلێمانی وتی، “ڕۆژانە لیژنەكانمان و بەدواداچوون دەكەن و هەر گۆشتفرۆشێك نرخی گۆشتی سوور لەو نرخەی ئێستای زیاتر بفرۆشێت سزادەدرێت”.

سۆران عەبدولغەفور پێیوایە، “بەرزبوونەوەی نرخی عەلەف لە جیهان هۆكارێكی دیكەیە بۆ گرانبوونی نرخی گۆشت و ئەگەر وا بڕوات نرخەكەی گرانتر دەبێت”.

 

بابەتی پێشتر

چاڤی گرێی ژمارە (3) ی هەیە

بابەتی دواتر

حكومەتی هەرێم: بەغداد زیاتر لە 117 ملیۆن لیتر بەنزینی ناردووە

بابەتی پەیوەندیدار
زیاتر ببینە

كۆمپانیای یه‌عقوب داخرا

لیژنه‌ هاوبه‌شه‌كانی قائیمقامیه‌تی سلێمانی به‌فه‌رمانی دادوه‌ر كۆمپانیای یەعقوبی داخست، به‌هۆی هه‌بوونی بڕێكی زۆر شیری جۆراوجۆری منداڵ و پاككه‌ره‌وه‌ی…
Total
0
Share