دوای ئەوەی کەسێک لە شاری ئەنتوێرپ لە وڵاتی بەلجیکا بە بەرگی بابا نوئێلەوە سەردانی خانەیەکی بەساڵاچوانی کردووە، بەبێ ئەوەی خۆی ئاگاداری ئەوەبێت توشی ڤایرۆسی کۆرۆنابووە، 75 کەس لە بەساڵاچوان و کارمەندانی خانەکەی توشی ڤایرۆسەکە کردووە.
بەپێی هەواڵێکی میدیا بەلجیکییەکان لە کۆی 150 نیشتەجێی ئەو خانەیەی بەساڵاجوان تێستی 61 کەسیان بە پۆزەتیڤ هاتووەتەوە و هاوکات 14 کارمەندی خانەکەش توشی ڤایرۆسەکە بوون.
دوای لێکۆڵینەوە دەرکەوت کە ئەو کەسەی لە بەرگی بابا نوئێلدا سەردانی خانەکەی کردووە هەڵگری ڤایرۆسی کۆرۆنابووە و دوای سێ ڕۆژ نیشانەکانی ڤایرۆسەکە لەناو دانیشتوانی خانەکەدا دەرکەوتووە.
تەندروستی ئەو شارە کە ڕوداوەکەی تێدا ڕویداوە، دەڵێت، “کاتێک بابە نوئێلەکە سەردانی خانەکەی کردووە ماسکی نەبەستووە و هەروەها دانیشتوانی خانەکەش ماسکیان نەبەستووە و تێکەڵاویشان بەیەکەوە هەبووە”.
لە کاتی سەرهەڵدانی ڤایرۆسی کۆرۆناوە تا ئێستا کۆبوونەوەی ئاینی و کۆمەڵایەتی بە یەکێک لە هۆکارەکانی گواستنەوەی ڤایرۆسەکە دەستنیشانکراوە و ئەم کۆبوونەوانە بەتایبەت لە وڵاتە ئاینییەکاندا تا ماوەیەکی زۆر قەدەغەکرا، دوای هەڵگرتنی قەدەغەکەش بەپێی ڕێنمایی تەندروستی ڕێگە بە کۆبوونەوە ئاینی و کۆمەڵایەتییەکان دەدرێت.
