بەڕێوەبەرایەتیی گشتیی تەندروستیی سلێمانی بڵاویکردەوە، لە مانگی شوباتدا 26 هەزار و 70 کەس بە مەبەستی چارەسەری تەندروستی سەردانی نەخۆشخانەی شاریان کردووە.
بەڕێوەبەرایەتیی گشتیی تەندروستیی سلێمانی بڵاویکردەوە، “مانگی رابردوو 26 هەزار و 70 هاوڵاتیی سەردانی نەخۆشخانەی شاریان كردووە، لەو ژمارەیە 19 هەزار و 84 نەخۆشیان سەردانی بەشی فریاكەوتنی نەخۆشخانەكەیان كردووە و پێنج هەزار و 799نەخۆش سەردانی بەشی ئۆپی دیان كردووە و سەرجەمیان چارەسەری پێویستیان بۆ كراوە.
ئاماژەی بەوەش کردووە، “لەو مانگەدا پێنج هەزار و 471 نەخۆش داخڵ كراون ،هەزار و 349نەشتەرگەری جۆراوجۆر ئەنجام دراون کە 30نەشتەرگەری دڵ و بۆرییەکانی خوێن و 188 نەشتەرگەری قەستەرە و 95 نەشتەرگەری شەبەكە و باڵۆن و 99 نەشتەرگەری بۆ مناڵان ئەنجام دراون”.
