بەهۆی هەڵەیەکی تەکنیکی لە یاریی نێوان قادیش و ئێڵچی، یانەی قادیش بۆ کاتێکی دیارکراو داوای ڕاگرتنی چالاکییەکانی خولی ئیسپانیا دەکات.
لە ڕووبەڕووبوونەوەیەکی مانگی کانونی دووەمی خولی ئیسپانیا، یانەی قادیش بەرامبەر ئێلچیی هاوتای کەوتە داوی یەکسانبوونەوە.
❗️Comunicado oficial https://t.co/Kr9GjvqzKn
— Cádiz Club de Fútbol (@Cadiz_CF) March 1, 2023
یانەی قادیش ڕاگەیاندراوێکی فەرمی بڵاوکردووەتەوە و ئاماژەیکردووە، گۆڵەکەی ئێلچی کە لەو یارییەدا تۆماریکردووە، “ئۆفساید”ێکی ڕوون و ئاشکرابووە، بەڵام تەکنۆلۆژیای ڤیدیۆ (ڤار) دەستوەردانی نەکردووە بۆ ئەوەی گۆڵەکە ڕەتبکاتەوە، ئەوەش بووەتە هۆی گۆڕینی ئەنجامی یارییەکە و لەدەستدانی دوو خاڵ.
قادیش بۆ ئەو مەبەستە هانای بۆ دادگای کارگێڕیی وەرزشی بردووە، کە باڵاترین دەسەڵاتی دادوەریی وەرزشییە لە ئیسپانیا و سکاڵا تۆمارکراوە، لە سکاڵاکەشدا داوای هەڵوەشاندنەوەی ڕکابەرییەکانی ئەم وەرزەی “لالیگا”یان کردووە.
