پۆلیسی هەڵەبجە دەستگیرکردنی باندێکی راگەیاند کە لە هەڵەبجە ماتۆڕی هاوڵاتییانیان دەدزی و لە تاسڵوجە دیانفرۆشت.
بەڕێوەبەرایەتیی پۆلیسی هەڵەبجە بڵاویکردەوە، “مەفرەزەکانی بنکەی پۆلیسی هەڵەبجە و بنکەی پۆلیسی فریاکەووتن شەش تۆمەتباریان دەستگیرکرد کە هەستابوون بە دزینی ماتۆڕسکیلی هاوڵاتییان و بردنیان بۆ تاسڵوجە لە پارێزگای سلێمانی”.
ئاماژەی بەوەش کرد، “پاش ڕەزامەندی دادوەری لێکۆڵینەوەی هەڵەبجە و سلێمانی دەست گیرا بەسەر ماتۆڕسکیلەکاندا هەر شەش تۆمەتبارەکەش کە دانیشتووی پارێزگای هەڵەبجەن بەپێی ماددەی 446 لە یاسای سزادانی عێراقی راگیراون”.
