بەڕێوەبەرایەتیی پۆلیسی راپەڕین بڵاویکردەوە، ئێوارەی ئەمڕۆ 14ی 11ی 2024، هاوڵاتییەکی لەدایکبووی ساڵی 1988 لە رەگەزی نێر، دانیشتووی رانیە بەهۆی کەوتنەخوارەوەی لە باڵەخانەیەکی چوار نهۆمی گیانیلەدەستدا.
بەڕێوەبەرایەتییەکە دەڵێت، “بەپێی لێکۆڵینەوە سەرەتاییەکان ناوبراو لەو کاتەدا کە کەوتووەتە خوارەوە سەرقاڵی کارکردبنووە و بەهۆی کەوتنەخوارەوەی گیانیلەدەستداوە”.
هاوکات، باس لەوەشکراوە، دوای ئەنجامدانی توێکاری لە پزیشکی دادی رانیە، تەرمەکەی رادەستی کەسوکاری کرایەوە و لێکۆڵینەوە لە رووداوەکە بەردەوامە.
